الانحطاط الغنائي

بسم الله الرحمن الرحيم

يا اعضاء المنتدى الكرام كنت مروح من عمان وكانت الساعه7:30 وكان يفصلني عن نومة حمزه ابني نص ساعه يعني لازم اكون بمادبا الساعه 8 قبل الافندي ما ينام لاني لو وصلت الدار وهو نايم لازم اصحيه المهم قلت يا ولد لازم تشد عالكحيله مزبوط ركبنا السيارة وقلنا يالله وقلت خليني اشغل هالراديو نسمع شو صاير بهالعالم شغلت محطه فن اف ام وكان في اغنيه لمين ما اعرف وصرت احاول اركب كلمه مع الثانيه للاسف قلت والله هالمطرب تافه وصاحب الكلمات تافه خليني اشغل ابو عبده عالمسجل احسن قبل ما افتح المسجل سمعت المطرب يقول هالمقطع

ما بتتغطى الشمس بغربال و لحبك الله خلقني

قلت خليني اسمعها كمان مرة يجوز انا ما سمعت كويس سمعت هالمقطع طبعا اللي حفظتو منو

لو هن الريح نحنا جبال .... طبعا مش ذاكر هون بهالمقطع شو قال
ما بتتغطى الشمس بغربال و لحبك الله خلقني

يقول صاحب الكلمات الساقط على لسان المطرب الاسقط لحبك ربي خلقني

لا حول ولا قوة الا بالله - معقول وصلنا لهالانحطاط يعني اللغه العربية فيها 27 حرف يعني تقدر تعمل منها الف مليار قصيده ما ظل حروف الا تقول لحبك ربي خلقني وضربت بعرض الحائط قول العلي القدير وما خلقت الجن والانس الا ليعبدون ، زمان واحنا صغار كان في مطرب يقول صبرت عليك صبر ايوب يا محبوب والان يقولوا لحبك ربي خلقني

مع تدني مستوى الاغاني وظهور عالم التشليح في الكليبات مع احترامي للاخوات على هالمصطلح ، صرنا نشوف افلام تعريه بدلا من الاغاني ، يطلعلك مطرب لابس لباس والله والله تستحتى لتحمم وانت لابسه مو تطلع عالشاشة والا مطربه تغني وهي لابسه ..... وبغرفه النوم وويقولولك فنانه وسوبر ويعطوها سفيره للنوايا الحسنه شروا هيفا ونانسي

انا اشوف لسا ما سبق ذكره افضل من ان يتم التلاعب بسنن الكون والحياة وهون مشكله اذا احنا قلنا عن جد اغنيه روعه وصفقنا اله ....

لما يكون في اغنيه او مسلسل او فيلم يخدش اليهوديه او امريكا يمر عالرقابه وتقوم الدنيا وتقعد طيب ليش كلمات الاغاني العربية ما تمر على جماعه يفهمو شوي بالاخلاق والقيم واللغه العربية

ما بدي اطول هالموضوع عشان ما تملوا من القراءه بس للعلم في خاطري كلام لكن عقولة ابو عبده والباقي عندكم

عبي البنزين من دمي يا دادا والبراغي من ضلوعي
شو رايك يابو حمزة بمناسبة رفع المحروقات

هلا ابو احمد وشكرا عالرد وعالاغنية الاردنية التراثيه الحلوة

اتصور انو الذهبي نوع سيارته لادا او زاز وماتورها 100 سي سي عشان هيك ما يهمو شو ما ارتفع البنزين - ما عندي غير هالاعتقاد ............ خخخخخخخخ

بالفعل اغاني اليوم خرط حكي يسترها الله من تاليها
احنا خلينا عالبرررررررررررررررررررررررررر