ليش الاردنيين مكشرين دائما

ليش الأرادنة مكشرين دايماً؟!
ما تستغربو والله طلع معهم حق يضلوا مكشرين...
يا عمي عندهم أسباب مقنعة...شوفووووووووووا
1-بحرنا ميت ..!!
2- وادينا... وادي اليابس..!!!
3- خليجنا... عقبة..!!
4- رمزنا... السوسنة السوداء ..!!
5- مطربنا المفضل... متعب السقار.!!
6- من اسماءنا الاصيلة (متعب ، مهاوش ، زعل ، حرب)..!!
7- مرات بندلع أولادنا (أبو غضب) !!
8- أربع مرات بسنة وحدة فقعتنا الحكومة رفع أسعار المحروقات... حتى القداحة ام الشلن صارت بربع ليرة..
وبرميل النفط صار سعره 42 دولار بالأسواق العالمية والحكومة بـتــبـيـعنا اياه بسعر خرافي 70 دولار..!!
9- أكبر نسبة مدخنين بالشرق الأوسط عنا... الولد من اول ما يخش اول عدادي بيبلش تعفيط..!! يا سلام!!
مين بالدنيا كلها بيدخن ملوخيه إلا بالأردن...
10- مصطلح "الشرر بقدح من عيوني" شائع في الأردن فقط ..!!
11- اول مزحة بنعلمها لأولادنا "هسة بظربك بوكس بطيارة الفكس.. وفي بعض الروايات الغريبة "وبطيرك عالقدس"..!!
12- "اطلع من راسي لا أقطعه" ... بدهاش تعليق هاي.
13- التـــــار ولا العار يا هريدي... آسف هاي مش عنا..!!!!
14- عند الفرحة... الناس بتولع شمع... بتغني... بترقص... احنا بنطخ...!!!
15- من أشهر أغانينا الشعبية (اظرب اظرب لا تظرب يا رمان.. كسرت الخيزرانه مالك زعلان)...!!
16- من أغانينا أيضاً... يا ويل لاللي نحاربه... بالسيف نقطع شاربه... يا لطيف

عجبتني الأرادنة بتعبر عن الواقع
بس بدي احكي ان الاردنية مكشرين من البين الي هما فيه ( زي ماتقول جدتي )

شكرا استاذ اياد وهاي مني الك

مشكور يا اللي خصنا باهتمامه
عمرك طويل وجعل ربي يخليك
قد قالوا الطيب يبين كلامه
وانت فعلك واهتمامك مزكيك
مثلك غصب يفرض علينا احترامه