فات الفوت..............

ركض، صياح، تكسير، شتائم، عويل، وعيد، زجاج، رصاص، دم، واجهات محال تخلع، معارك حقيقية بالأيادي.. أم يحيى وهي تراقب الموقف من البلكونة تطل برأسها بين قطعتي ملابس من حبل غسيل طويل.

-ام يحيى: أبو يحيى:.. الحق.. الطوشة صارت بنص الحارة!!

-ابو يحيى: شوي.. تا أحلق لحيتي!!

-ام يحيى: يا زلمة هسع وقتها.. شوفهم سكروا الشارع!

-ابو يحيى: هسع بشوفهم تا ألبس «جراباتي»..

-ام يحيى: يا بو يحيى الناس ذبحت بعضها..

-ابو يحيى: طيب قاعد بدور ع جراباتي مش ملاقيها!!

-ام يحيى: يا زلمة كل ما لها بتقرّب.

-ابو يحيى: عارف عارف.. بس قاعد بجهّز بحالي.

-ام يحيى: هاي رفشوا ببطن جوز فوزية!!.

-ابو يحيى: يا الله جاي.. قاعد «بكفت» بالسروال؟

-ام يحيى: ابو يحيى.. هاي خلعوا دكانة كرمة العلي!!

-ابو يحيى: طيب وين حطيتي «الكالونيا».. لحيتي بتشفطني!!

-ام يحيى: ابو يحيى سكّر الباب بالمفتاح.. لا تلحقنا طرطوشة!

-ابو يحيى طيب هسع بسكره .. بس وين الكالونيا!!

-ام يحيى: يا زلمة سايق عليك الله تسكّر الباب.. صاروا تحت الدار!!

-ابو يحيى: فهمان عليك.. بس وين الكالونيا؟!

-ام يحيى: هاي صوتهم صار ع الدرج بسعة سكّر الباب!!

-ابو يحيى: انا معك.. بس وين الـ..

دووووب.. هوت قنوة موجهة في منتصف قرعة ابو يحيى.. فارتمى أرضاً..

--ام يحيى: وين بدّك؟

ابو يحيى بلسان ثقيل ودم نازف يحاول النهوض

اأبو يحيى: اسكّر الباب زي ما طلبتي!!.

أحمد حسن الزعبي / جريدة الرأي

عنجد فات الفوت هاهاهاهاهاهاها... lol!

واذا فات الفوت ماينفع الصوت