لغز..... الشاطر يحله

حكيت السعن وطلع غلط

اتصور البابوووور

لا خطأ مش البابور... ... حاول مرة اخرى

حل اللغز الربابة بس كيف نوخذ العشر دنانير

اذا الجواب مش الربابة
ممكن تكون القربة ( آله موسيقية )

اللي يحط لغز يا ميار يجب عليه المرور على الاجابات حتى نعرف او نشوف شو ممكن الحل مش تكتبو لغز وما تشوفو الحلول يا عمي ما بدنا عشر ليرات بس بدنا نحل اللغز

وبالنسبة لي شخصيا انا احترم اجابات المهندس علي الهروط وكثير أأيدو وشبه مقتنع بالربابة بصراحه مع اني قاعد احاول

لحد الآن الاجابات خاطئة....والحل بسيط

بدو بس شوية تفكير أو عدم تفكير....زي ما بدكم ......

معقول بريق الشاي

حل اللغز السفرطاس : التبروير اللي من معدن اربع عيون واله ايد واله رجلتين والله اعلم

يارب يكون صح

لو تعرفو شو الجواب يا اخوان ما رح حدا يصدق ان السوالف هاي تطلع من الاخت ميار

الحل الصحيح له .................... انو ماله حل

الحل الصحيح.... انه ما في شي بهالصفات

خخخخخخ

بالمناسبة انا غلطت وحكيت الجواب للنشمية...
بس طلعت مش نشمية وراحت وجاوبته

لذلك اقرر انه النشمية ما حلته من تفكيرها واجابتها ملغية...

اللي يعطي سره لمرأة... يعتبر سره بجرايد

حكيت للجميع انه ما بدو تفكير............

العضو ميار بعد التحية والتقدير " يااااااريت ما كتبتي هاللغز "

كثير اهتمينا باللغز لانو منك ، لانا متاكدين انو صاحب هالقلم المعروف بكتابتوووو اكيد راح يكون الجواب اشي ملموس ، ذكرتيني بالطفيلي اللي بحكي لصديقه تعرف شو حلمت امبارح يقعد الطفيلي يفكر ساعتين ويرجع ما عرفت يقوله صاحبنا " اي صاحب الحلم " حلمت ولا اشي

بالمقابل يقول الشخص المعني بالاجابه ، يالله ما اهبلني ........ فعلا باااااااايخ الحلم

ملاحظه الكل من الاعضاء بالبداية قال مافي اشي بهيك صفات بس خلينا نفكر لان الله عز وجل يقول في كتابه العزيز وفوق ذي كل علم عليم .

مع تحيات الاعضاء كلهم

هيك صار ضحك عاللحى

اشجب واستنكر العمل الارهابي الذي قام به مدير الموقع محمود الحواتمة من شطب اللغز لانه حتى لو ماله حل الخط كان حلو كثير[center]

لم يحذف اللغز يا مالك

بس صار عليه اكثر من ردود وصار بصفحتين


اومين حكى اللغز مش حلو ... حلو ونص والخط برضوووو حلو

ماهو الشيء الذي يسكن في الجبال ويجلس مع الرجال ويلبس لبس النساء

العفو من الجميع.. لم اقصد (الضحك عاللحى) كما قيل.،
هذا اللغز وما حصل حوله وجه تفكيري لموضوع كبير ... عنا...احنا العرب

من أخطائنا نحن العرب اننا نعتقد بأن لكل مشكلة حل..

ادعوكم ... جميع الاعضاء للقيام بالتجربة التالية للتأكد من وجهة نظري...

اسألوا طلابكم او ممن يقربوكم السؤال التالي:
العقبة تبعد عنا 500كم، ذهبنا لها بسرعة 70كم/ساعة ووصلنا بظرف 3ساعات، كم يلزمنا الوصول الى اربد اذا كانت سرعتنا 80كم/ساعة؟؟؟؟؟؟؟؟؟؟

سيجيب البعض من خلال الحساب محاولة منهم بـ "التذاكي"..
وقد تكون إجاباتهم متعددة وكل يعتقد أن إجابته هي الأصح وعليكم العد كم من الإجابات ستحصلون عليه.

أما الإجابة الصحيحة فهي:
السؤال ليس له حل، لأن المعطيات ناقصة.. فلم يتم ذكر المسافة بيننا وبين اربد، حل سريع بسيط غير متوقع ..لكنه الأصح

واذا فكرنا بعلاقة هذا فينا كمعلمين فهو........
عندما يضع معلمونا في دفاتر تحضيرهم:
محمد اشترى 6 كتب ب 5 دنانير و 7 دفاتر ب 2دينار،
كم بقي معه من ال20 دينارا

..برأيي أنها مشكلة من فئة ”التذكر" حسب مستوى بلوم وليس في مستوى "التطبيق أو الاستيعاب"

وهذا ما ينطبق علينا ... لا نتوقع ابدا ان الموقف الذي امامنا قد يكون بدون حل... او حلوله عديدة لكن كل حل منها يعاني من نقص ما ... فلو كان لكل شيء حل كامل بتوفر المفكرين في ذلك المجال على مستوى عال من المعرفة والخبرة والدراية........لكان حل القضايا السياسية جميعها وعلى رأسها فلسطين في متناول اليد ، ولكان الطب أوجد ادوية ليس لها تأثيرات سلبية على المريض ،ولكان........،ولكان......... ...................................................

لغز بسيط طرحته من باب المزاح أولا ، ومن باب المشاركة وليس كـ"ضحك عاللحى".
ومع ذلك حصلت على اجابات اقدر احكي عنها انها ذكيييييييييييية...

واذا فهم من اللغز غير هيك انا بعتذر و لو شارك عضوآخر بشيء شبيه فأنا أول من سأعرف انه لا يحب الروتين ويحب التميز الايجابي.
عدا عن هذا كله يعني انا رح احط عشر دنانير كجائزة على اجابة لغز عادي؟، حطيتهم وانا عارفة انه ما حدا رح تخطر في باله الاجابة لأنه لغز خارق للعادة ويخرج عن المألوف.. و كلماته حلوة ومنطقية وسجعه حلو ومهضوم..

شكرا للجميع

برافو ميار ... موضوعك بخصوص اللغز والتبرير رائع جدا ،،، واغلب الاعضاء بالبداية قالوا مافي شي بهيك مواصفات بس اصرارك على انه يوجد حل هذا ولد عندهم التخمين والتفكير ،،، وانا بخالفك الراي مثل ما تحكي ما في حل لا بالعكس كل شي اله حل او مشروع حل عالاقل ...

وبخصوص موضوع التحضير والمعلمين والمعلمات لو صناع القرارات في الوزارة تتركهم على راحتهم هم يحطو استراتيجات لعملهم اعتقد راح تكون الامور افضل بس الاغلب يحكي يا رجل حط راسك بين هالروووووس وقول وين قطاع الروووس

عالعموم المنتدى بحاجه لشخص مميز وانت يا عضونا الفااااضل كثير متميز ونتمنالك التوفيق