اردنيات على الخالص

اذا حبيت تتمشى في احد شوارع الأردن، اوعى تفكر انك تسلم على حدا ما بتعرفوا، لإنو هاي اهانة، ويمكن يمسكك ويعجنك، ويحطك جمب تمثال الجندي المجهول، ويصير اسمك “ المجهول”.

اذا وانتا ماشي في الشارع شفت باص وعم تطير منه كنادر وأواعي، لا تستغرب، هاد باص مدرسة بنات ومن المحتمل إنو في عمليات شد شعر وشلح كنادر ومسبات عيب، يعني حرب عالمية صايرة جوا.

اذا وانتا ماشي في الشارع شفت طوشة بين شباب، أول شي سبب الطوشة يا بنت، يا واحد كان بتولدن عالتاني بالسيارة، المهم اذا حبيت مجرد حب إنك تتدخل وتفزّع بينهم اعرف انك تسجلت ضمن قائمة الشهداء اللي ماتوا موتة بشعة.

اذا كنت بتستنى على دوار وفش غيرك بالشارع ومع هيك في ازمة اعرف انو في شرطي على الدوار بنظم السير أو وحدة سايقة السيارة وواقفة بنص الدوار بتزبط مكياجها، بتكون بشعة بتشبه البقرة بس مصدقة حالها.

اذا رحت على دائرة حكومية مشان تخلص معاملة، رح تشوف ناس واقفين طابور على شباك، في زلمة قاعد عالشباك عندو شنب فش عندو اشي تاني بوجهو، يعني كل وجهو شنب وغالباً بكون اسمه عُقلَة ولازم يكون عم بشرب شاي وبدخن سيجارة مع انو التدخين ممنوع، هالزلمة باله طويل ومش فارق معه كل الواقفين، سيبك من الشغلة هاي كلها، وانزل الدرج بدّك تروّح، في كتير زبالة مرمية عالدرج وغالباً رح تتزحلق بقشرة موز وتوقع عالدرج وتتكسر ضلوعك، وانتا واقع عالأرض رح تفتح عينك تلاقي بوجهك ولد صغير مفقوع بوجهه جرة غاز بحكيلك: عمو معك شلن ؟؟؟ رح تصيبك جلطة من منظره فوراً وتموت.

أحلى شي العُطَل في الأردن، على أي نكشة بصير فيه عطلة، اذا نزل مطر شوي هاد دليل على عواصف ثلجية قادمة، وعطلي يا مدارس ويا جامعات.

إذا كنت واقف بحالك لا إلك ولا عليك زي الهبيلة في الشارع واجى عليك واحد وحكالك: معك وَلعة أبو الشباب ؟؟ هاد يا سيدي جاي يكب بلاه عليك من غير سبب هيك، اجى ع باله يخبص وجه حدا، وانتا هاد الحدا.

إذا حبيت تركب تكسي، مو مشكلة اركب ما بحكيلك تركبش، بس بالنسبة للراديو يا رح تسمع محمد الوكيل يا اغنية “قوات الأمن العام بتحافظ عالنظام”.

انت اردني مشاااااائم.... بس معك حق silent

واذا صارت هوشه في باصات الجامعه اعرف انه طرف المشكله حمايده

انا لست باردني متشائم لا على العكس انا اردني دائما ولله الحمد متفائل ولكن هذه هي الحقيقة التي نراها في شوارعنا ولوكنت متشائما لما طرحت الموضوع في المنتدى لكي يتم مناقشته

مالك في مثل الماااااااااااااااااااااااااااني يقول اذا لم تعجبك قيادة النسااااااااااااااء فامش على الرصيف

اعلى قولة عمر العبدللات
وان تعبت الرجلين لامشي على يديا

طيب يا محمود واذا كانت النساء تقود على الرصيف ايضا