أردنـــــــــــي سأل إماراتي .. كم راتبك .؟؟

أردنـــــــــــي سأل إماراتي .. كم راتبك .؟؟

الإماراتي : راتبي 15000 درهم , وبدل سكن 90000 درهم سنويا , وبدل مواصلات 1200 درهم شهريا , وبدل غلاء معيشة 2000 درهم، وبدل ماء وكهرباء 1000 درهم
وسيارة كل سنة وتأمين صحي للعائلة ومدارس خاصة لأولادي , وتذاكر سفر دولية عالدرجة الأولى ,


بعدين سأل الإماراتي الأردني : وأنت كم راتبك .؟


قال الأردني: راتبي 300 دينار ..!
قال هذي بدل أيش ..؟؟
قال : بدل ما أشحد

واترككم مع هذه القصيدة الجميلة كتبها واحد اردني من الاقل حظا يعني طفران مثلي


غالي يا اردن غالي
غالي و ترابك غالي

غالي و مش مكفي مالي

مش قادر انا على غلاك
***
بيقولو البنزين رح يولع

و جرة الغاز رح تفرقع

و البيض فقسّت اسعاره

حتى الجاجة حست بناره



و بيقولو الدهب غالي

طب مال الدهب و مالي؟


هو انا طايل صحن الرز؟

الله يرحم ايام العز

عاللحمة كنا نمز

و نحلّي وراها بمقالي

***

الخمسين ركبت جنجات
والعشرين بتفرطها خمسات
و العشرة بالجيبة ما بتبات

و الليرة ما بتشتري كت كات

يا زلمة قرفت حالي



***
جدي بقول بالزمنات

كنا نحلب هالعنزات

و ناكل من لبن البقرات

و نزرع شوية قمحات

و هادين البال نبات

ما يهمنا طول الليالي



***

شو تركنا لولادنا عيشة؟؟

اكلتولنا الجاجة و الريشة

ما ضل غير ندخن هيشة

الفيسروي سعره عالي



***
يا اردن ما اغلاك

و يا محلا شمسك و سماك
كان غلاك بقلوبنا

و صار هلأ ع جيوبنا

بس بتضلك محبوبنا

و هواك ع قلبي غالي

صح لسانه...صح لسانه